Во српските медиуми се појави информација дека најдобриот стрелец во историјата на репрезентацијата на Македонија, Горан Пандев преговара со екипата на Партизан.
Напаѓачот кој во моментов настапува за екипата на Џенова преку медиумите во Македонија ја демантираше оваа вест.
Му ги броиме деновите на Тен Хаг во Манчестер! ↓↓↓
„Не знам ништо за најавите на Партизан. Навистина не знам од каде е оваа приказна. Пред неколку недели го продолжив договорот со Џенова. Овде ми е добро и среќен сум“, изјави нашиот репрезентативец.
Пандев има 34 години, а во текот на кариерата играше за Беласица, Интер, Спеди, Анкон, Лацио, Наполи и Галатасарај. За нашата репрезентација на 87 натпревари постигна 30 гола.