Палермо испадна од Купот, Несторовски остана без тренер!

Палермо со поразот на пенали од Специја се прости од натпреварите во италијанскиот Куп, а тоа го чинеше отказ тренерот Роберто Де Зерби.

Мечот по 120 минути заврши без голови, а во пенал серијата Специја победи со 4:3. Балог во четвртата и Голданига во петтата серија не беа прецизни од белата точка.

Македонскиот репрезентативец Илија Несторовски, кој е единственатат светла точка во очајниот тим на Палермо, нетпреварот го гледаше од клупата за резервни играчи.

Веднаш по натпреварот првиот човек на клубот, Маурицио Зампарини му врачи отказ на тренерот Роберто Де Зерби. Медиумите тврдат дека негов наследник ќе биде Еугенио Корини.