Падна светскиот првак, Словенија е првиот финалист на ЕП во одбојка

Селекцијата на Словенија вечерва на крилата на својата публика во „Стожице“ го победи светскиот првак Полска со 3:1 во сетови и обезбеди пласман во финалето.

Ова е второ финале за Словенците на европските првенства, благодарение на убедливата победа по сетови (25-23, 24-26, 25-22, 25-23).

Словенија во финалето ќе игра со подобриот од дуелот помеѓу Франција и Србија.

Да потсетиме, Словенците на ова ЕП имаат два порази, а еден од нив е од македонската репрезентација, со 3-1 во сетови.