Обамејанг на социјалните мрежи го исмејуваше новиот изглед на Озил

Фудбалерите на Арсенал се наоѓаат во САД каде што се подготвуваат за следната сезона, а вечерва го играат пријателскиот натпревар против Баерн.

Додека сите очекуваат засилвуања за тимот од Лондон и тајно се надеваат дека Озил ќе си замине од Арсенал, одличниот фудбалер одлучи да го промени изгледот. Имено, тој се одлучи да ја бојадиса косата и тоа во светло сина боја, а прв на социјалните мрежи го „повика“ Обамејанг.

Тој објави стори на Инстаграм, каде што го спореди Озил со Меган Рапино, која настапува за женската репрезентација на САД.

„Сега ми е јасно како се освојува титули. Најдобра фризура брат“, напиша Обамејанг, алудирајќи на тоа што женската репрезентација на САД го освои Светското првенство.