Ноер размислува да ја напушти репрезентацијата

Угледниот германски весник „Билд“ објави дека Мануел Ноер наскоро би можел да стави точка на својата репрезентативна кариера.

„Билд“ тврди дека Ноер се посериозно размислува за повлекување од репрезентацијата, а на одлуката секако ќе влијае и тоа во какво форма ќе биде во наредниот период.

„Не сум сигурен дека ќе бранам после Европското првенство. Многу фактори ќе влијаат на тоа. Ќе видиме како ќе функционира моето тело и колку ќе бидам способен“, изјави Ноер.

Во меѓувреме Ноер се најде во центарот на вниманието на германската јавност и тоа поради недоразбирањето со заменикот Марк Андре тер Штеген. Голманот на Барселона изрази незадоволство поради својот статус во репрезентацијата и индиректно го „нападна“ Ноер.

Голманот на Баерн за националниот тим настапува од 2009 година, а претстоечкото Европско првенство за него најверојатно ќе биде и последно.