Баерн минатиот викенд уште еднаш ги разочара своите навивачи откако одигра само 1:1 против Фрајбург со што продолжи резултатската криза на екипата на Нико Ковач.
Ковач на клупата на Баерн дојде летоска од Франкфурт, но не ја започна најдобро епизодата во минхенскиот клуб. Баерн имаше неколку неочекувани киксови поради кои зад водечката Борусија Дортмунд заостанува четири бода. Шанса за поправен момците на Ковач веќе имаат во сабота во големото дерби токму против Дортмунд.
Пред дербито, падна најважниот потпис во Манчестер Сити! ↓↓↓
Јасно е дека хрватскиот стручњак е под голем притисок, а германските медиуми пренесуваат дека во случај на пораз може да добие отказ. Пред овој натпревар се огласи и легендарниот фудбалер Лотар Матеус кој порача дека не би сакал да биде во кожата на Ковач ако го загуби дербито против Борусија.
„Сигурно е дека за него тоа е клучен натпревар. Доколку го загуби навистина не би сакал да бидам во кожата на Нико Ковач. Ова стана Баерн на кој никој не му се плаши. На управата останува да донесат некоја одлука за оваа криза конечно да заврши.“
Учество во игри на среќа е дозволено за лица со 18+ години. Играј одговорно!