Нејмар се огласи и покажа како изгледа неговата нога после повредата (ФОТО)

Репрезентацијата на Бразил вчера во пријателски натпревар го совлада Катар со 2:0.

Бразил славеше со головите на Ричарлисон и Габриел Хесус, но сето тоа остана во сенка на повредата на нивниот најдобар играч Нејмар.

Нејмар неодамна се опорави од повредата и се врати на терен пред Копа Америка, но ќе го пропушти ова натпреварување бидејќи во натпреварот против Катар после 20 минути го повреди зглобот.

Докторите на бразилската селекција го изнесоа Нејмар од терен, а тој не можеше да ги сокрие своите солзи. Скоро сигурно дека го чека уште една долга пауза.

Нејмар после се огласи на Инстаграм и покажа фотографија од неговата нога и местото каде што се повреди.

„После бурата секогаш доаѓа мир“, порача Нејмар.