Нереди пред финалето во Лигата на Европа

Шпанската полиција приведе петмина германски навивачи поради нереди пред вечерашното финале во Лигата на Европа помеѓу Ајнтрахт и Ренџерс.

Полицијата соопшти дека навивачите на Ајнтрахт се одведени во притвор поради пресметка со шкотските навивач и полицијата околу полноќ во центарот на Севиља. Тие фрлале цигли и столчиња од локалот и запалени бакљи кон навивачите на Ренџерс и полицијата. Засега не е познато дали има потешко повредени.

Повеќе од 5.000 полицајци и редари ќе бидат на должност за вечерашното финале затоа што се очекува голем број фанови и на двата клуба. Влезниците за финалето на „Санчез Писхуан“ се распродадени, а се игра во терминот од 21:00 часот.