Најтешкиот момент во кариерата на Меси: Го најдов сам како плаче во два часот по полноќ…

Голема исповест на кондициониот тренер на „Гаучосите“, Елвио Паолоросо.

Не можеме да кажеме дека Лионел Меси се наосвојуа трофеи со репрезентацијата на Аргентина. Аргентинецот во селекцијата помина низ навистина тешки моменти и ние од страна тешко би можеле да кажаме кој е најтешкиот.

Сепак, Елвио Паолоросо, кондициониот тренер кој работеше кај Херардо Мартино го опиша моментот кој се случил во 2016 година кога Аргентина била поразена од Чиле втор пат во низа, после пенали.

Паолоросо се потсетува на тешките утрински часови…

„Околу два часот по полноќ го најдов Лионел, сам, асполутно сам, како плаче како бебе кога ќе остане без мајка. Лежеше сам, без никој кој би можел да го утеши. Го прегрнав и се обидов да го утешам, но беше навистина тешко“, се потсетува Паолорсо.

Сепак и најголемите фудбалски ѕвезди се само луѓе од крв и месо…