Натпревари од Ла Лига ќе се играат во Северна Америка

Знаеме колку во одредени моменти значи домашниот терен, но дали овој договор нешто ќе промени?

Американските клубови, како НБА и НФЛ на големо играат некои натпревари во регуларниот дел од сезоната надвор од своите сали, а таа пракса полека би можела да се пренесе и во фудбалот.

Ла Лига потпишала договор со „Релевент Спортс“ и според тој договор клубовите од шпанската лига одредени натпревари ќе играат во Северна Америка, одредени медиуми пренесуваат дека тоа веќе оваа сезона би можело да се спроведе на дело.

„Оваа соработка е следниот голем чекор за популаризацијата на фудбалот во Северна Америка“, изјави Стефан Рос, претседателот на „Релевент Спортс“.

Не се наведуваат повеќе деали, освен тоа дека се уште се договора организацијата и терминот.