Навивачите на Марсеј му честитаа на Јунајтед за елиминацијата на ПСЖ од ЛШ

ПСЖ беше скоро сигурен патник во четвртфиналето во ЛШ откако на Олд Трафорд забележаа победа со 2:0, но избраниците на Солскјер имаа друг план.

Манчестер Јунајтед славеше со 1:3 во реванш натпреварот од 1/8 финалето и режираше сензација за пласман понатаму.

Црвените ѓаволи со победата над ПСЖ моментално стекнаа пријатели на југот од Франција, со оглед на тоа  што навивачите на Марсеј, најголемиот ривал на ПСЖ не престанаа со честитките.

Марсеј синоќа на својот Велодром ја совлада Ница во рамките на францускиот шампионат, а домашните навивачи истакнаа интересна порака упатена до Јунајтед, но и ПСЖ.

„1:3 во г***т на QSG. Честитки Јунајтед.“ – гласеше пораката од транспарентот.

Marseille fan banner: “1-3 in your a*s QSG. Congrats (Manchester) United!” pic.twitter.com/0D1hle28G7

— Get French Football News (@GFFN) March 10, 2019

Инаку, во акронимот QSG се крие провокација која ја користат навивачите на Марсеј поради огромните вложени средства од Катар (Qatar) во ПСЖ.