Мурињо во хотелот кој престојувал на Јунајтед му направил сметка од 600.000 фунти

Жозе Мурињо денес доби отказ во Манчестер Јунајтед после очајните резултати.

Поради огромниот договор со клубот Мурињо ќе добие огромна оштета од 24 милиони фунти, но освен тоа Јунајтед потрошил 600.000 фунти на хотелот во кој престојувал.

Откако дојде во Јунајтед, Мурињо живеел во луксузен хотел додека, неговото семејство престојувало во Лондон.

Мурињо имал прилика да купи куќа во близина на тренинг центарот, но тој точно 895 дена живеел во хотелски апартман кој дневно чини 600 фунти. Англиските медиуми така пресметаа дека неговата хотелска сметка изнесувала 537.000 фунти.

Во оваа сума не се пресметани трошоците од барот во хотелот и користењето на дополнителни услуги.