Монтела: Разликата во квалитет е очигледна, но нема да ја потцениме Шкендија во реваншот

Шкендија синоќа беше декласирана од италијанскиот гигант Милан со 6:0 во плеј-офот од Лига Европа.

Тренерот на „росонерите“, Винченцо Монтела изјави дека е задоволен од резултатот, но неговиот тим нема да ја потцени Шкендија во реваншот.

„Среќен сум за мојот тим, зашто одигравме одличен натпревар. Но, мислам дека има сè уште простор за напредок, бидејќи италијанската лига е многу потешка како на тактички, така и на физички план, од денешниот наптревар. Среќен сум за Монтоливо, кој одигра извонреден меч“, изјави Монтела.

„Не очекував да бидеме така добри, очигледно е дека се препозна квалитетот меѓу овие две екипи, и тоа знаевме да го покажеме. Нема да го процениме противникот во реваншот, бидејки тие се добро организиран тим. Голманот на Шкендија за мене е нивниот најдобар играч, имаше неколку добри одбрани, а што се однесува до фановите на Милан од Македонија, бидете на стадион таму, се гледаме во вашата земја“, додаде тренерот на „росонерите“.