Моментите на Пантелиќ кои ќе се паметат: Како голман даде хет-трик и постигна гол од 90 метри 🎥

Утрово српските медиуми ја пренесоа тажната вест за смртта на голманот Драган Пантелиќ. Легендарниот голман ја загуби битката со коронавирусот.

Пантелиќ беше легенда на српскиот и југословенски фудбал, а беше посебен затоа што и како голман постигнуваше голови. Редовно тој шутираше пенали и слободни удари за Раднички, а на еден натпревар успеа да дојде и до хет-трик.

Од сите голови на Пантелиќ се издвојува оној против Вележ кога со дегажман од својот шеснаесетник го совлада колегата Енвер Мариќ на спротивната страна.