„Михајловиќ не е човек, тој е ѕвер“

Аргентинскиот напаѓач Хулио Рикардо Круз ја делеше соблекувалната со Синиша Михајловиќ во Интер и од тогаш се големи пријатели.

Информацијата дека Михајловиќ боледува од леукемија многу го потресла Аргентинецот, кој е во постојан контакт со својот пријател.

„Се слушнавме пред неколку дена. Благодарение на Бог, леукемијата делува дека остана зад него. Тој не е човек, тој е ѕвер“, изјави Крус за „Кориере дело Спорт“.

„Неговото семејство е многу блиско со моето, па нашите соруги редовно се слушаат на телефон. Се гледа дека Болоња има негов печат, тој има борбен дух во себе“, додаде Крус.