Миланско дерби за ѕвездата на Салцбург

Милан и Интер се силно заинтересирани за младиот напаѓач на Салцбург, Ноа Окафор.

Окафор го привлече вниманието на многу европски гиганти, а главната битка за неговиот потпис ќе ја водат италијанските гиганти.

Малдини сака да доведе млад и перскептивен напаѓач и веќе стапил во контакт со неговиот агент. Меѓутоа, ќе треба да ја победи конкуренцијата бидејќи Интер исто така долго го следи напаѓачот.

Интер на лето ќе се ослободи од Лукаку, па е во потрага по напаѓач, а верува дека Окафор може да биде идеален партнер за Лаутаро.

Швајцарскиот репрезентативец на лето ќе влезе во последната сезона од договорот, па Салцбург е спремен да го пушти за 20 милиони евра.