Меси и Роналдо разговарале и си честитиле – Познат освојувачот на Златната топка!?

Изгледа дека е се познато иако се појавија спротивни информации…

Овие денови се појавија информации дека Лионел Меси поради фантастичната есен би можел изненадувачки да стигне до „Златната топка“, дури на интернет се појави и слика со насловната страна на „Франс Фудбал“ со Меси како освојувач на ова престижно признание.

Сепак, „Дон Балон“ пренесува дека е се познато и дека Меси ја искористил приликата да му го честита Роналдо четвртото дете, но и новото признание за најдобар фудбалер во светот.

Имено, ќе одлучи трофејот во Лигата на шампионите, ако навистина се гледа овој параметар се е на страната на Португалецот. Да потсетиме Роналдо во нокаут фазата одигра фантастично и беше најзаслужен што Реал Мадрид стигна до одбрана на титулата.

Според пишувањето на шпанскиот медиум, Роналдо му се заблагодарил на Меси, но и изразил очекувања дека Аргентинецот наредната сезона ќе стигне до трофејот. Реално и шансите на Аргентина на Мундијалот кој сигурно ќе има големо влијание во освојувањето на престижното признание се поголеми, иако Португалците беа отпишани и на Европското првенство во 2016 година.