Меси ги откри двата клуба кои ги гледа како најголеми фаворити за освојување на ЛШ

По речиси два месеци пауза, Лигата на Шампионите конечно се враќа, а уште од првиот натпревар ни донесе големи битки

Во вторник ќе се сретнат Јувентус и Тотенхем, но сигурно дека во центарот на вниманието ќе биде натпреварот кој се игра еден ден подоцна помеѓу Реал Мадрид и ПСЖ. Нешто помалку возбудливи ќе бидат натпреварите помеѓу Базел – Манчестер Сити и Порто – Ливерпул. Лигата на Шампионите одамна не била повозбудлива, а изгледа дека немало повеќе фаворити за трофејот шампион на Европа.

Последниве две години доминираше Реал Мадрид кој ја брани титулата, но многумина веруваат дека „Кралевите“ ќе го препуштат тронот по долго време. Според обложувалниците прв фаворит е Барселона, која игра доста подобро за разлика од претходните две години, а тука се и ПСЖ и Манчестер Сити кои мелат се пред себе.

Еден од најдобрите играчи во светот, Лионел Меси за англиските медиуми изјави дека се уште е рано да се зборува за тоа кој ќе ја освои Лигата на Шампионите, но јасно е дека фаворитите секогаш се исти. Но, Меси посебно истакна два клуба.

„Манчестер Сити во моментов е еден од најсилните клубови во Европа, но тука е и ПСЖ. Исто така, не треба да го отпишеме и Реал Мадрид, без оглед на лошата форма. Го имаме и Баерн и сигурно ќе биде возбудливо до самиот крај. Сепак, мислам дека Сити и ПСЖ се пред Реал и Баерн“, изјави Меси.