Мајстор за Формула 1: Ја погоди сензацијата во Монца и си заработи 33.000 евра!

Фински обложувач се покажа како вистински мајстор и си освои 33.398 евра откако го погоди исходот на сензационалната трка во Монца.

Тој уплатил само 20 центи (12 денари) дека Пјер Гасли, Карлос Сајнц и Ланс Строл ќе бидат на пиедесталот на крајот на трката.

Гасли триумфираше пред Сајнц од Мекларен и Строл од Рејсинг поинт, а ваквиот исход го збогатил Финецот за повеќе од 33.000 евра.

Тој имал опција и да одигра дека Гасли ќе победи пред Сајнц и Строл, така ќе имал добивка од 166.990 евра, но секако и вака не му е лошо.

Што да се каже освен – браво мајсторе и со среќа да си ги трошиш!