Манчини откри: Буфон се уште ќе игра, вратите од репрезентацијата се отворени!

Роберто Манчини денес ја имаше првата пресконференција како селектор на Италија, пред престојните пријателски дуели.

Италија за прв пат после многу години го нема Буфон во репрезентацијата, но Манчини откри дека легендарниот голман нема да се пензионира и дека во иднина повторно може да се приклучи во репрезентацијата.

„Имав телефонски разговор со него и тој ми објасни која е неговата намера. Тој сака да продолжи да игра, а оној којшто игра и го прави тоа на највисоко ниво, може да добие повик од репрезентацијата“, откри Манчини.

Медиумите тврдат дека Буфон има понуда од Пари Сент Жермен и дека готово сигурно кариерата ќе ја продолжи во Париз.