Малдини „распали“ по судијата и ВАР

Легендата и технички директор на Милан, Паоло Малдини изрази разочарување од судењето на мечот против Фиорентина.

Неговиот тим испушти победа на гостувањето кај Фиорентина, откако судијата Калварезе досуди пенал над Кутроне во 87-та минута.

На снимката јасно се гледа дека Ромањоли интервенира над топката, но судијата не побара помош од ВАР и досуди на белата точка.

„За жал освоивме само еден бод, иако го контролиравме мечот и бевме подобри од Фиорентина. Не се справивме добро со ситуацијата кога имавме играч повеќе на теренот. Меѓутоа, мора да реагираме на ваквото судење, судијата досуди пенал, а не ја прегледа снимката. Ако ова е пенал, тогаш јас ништо не разбирам.  Јас прв пат гледам вака да се толкуваат правилата, Ромањоли интервенираше на топка, а судијата не побара помош од ВАР системот“, изјави Малдини.

? Maldini baffled by VAR after Fiorentina draw: "I've never seen a penalty like that"https://t.co/t37NpIYZ4h #SempreMilan

— SempreMilan (@SempreMilanCom) February 23, 2020