Македонскиот голман Дамјан Шишковски има нов клуб

Голманот Дамјан Шишковски кој во македонската репрезентација е резерва на Столе Димитриевски има нов клуб.

Шишковски денеска и официјално е промовиран за нов чувар на мрежата на Борац од Бања Лука.

„Пристигнувам во клуб кој минатата сезона ја освои титулата во Босна и јасно ми е дека целта ќе биде одбрана на трофејот. Им благодарам на управата за довербата, а јас ќе се обидам со одбраните дап ридонесам за остварување на нашите цели“, изјави Шишковски.

За сениорската репрезентација голманот кој потекнува од школата на Работнички има 11 натпревари и во Бања Лука пристигнува од ерманскиот Арарат. Претходно од странските клубови беше дел од Гент, Лахти, РоПС и Докса.

.