Најголемото изненадување во натпреварите од 12. коло во ПМФЛ го приреди Победа совладувајќи го лидерот Струга со 2:0.
Со два гола на Мазари по еден во првото и второто полувреме Победа дојде до триумф против Струга. За Струга ова беше втор пораз во сезоната, но и втор во низа затоа што првиот го претрпеа во минатото коло од Шкупи.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Шкендија знаеше да го искористи киксот на лидерот, па така со победата од 0:1 против Скопје дојде на минус три од лидерската позиција. Одлучувачкиот гол на овој натпревар го постигна Љупче Дориев.
Работнички како домаќин го пречека Силекс на терените на ФФМ, а овој дуел го одлучи Обрадовиќ со голот во 23. минута.
Дури шест гола видовме на натпреварот во Чаир каде што гостуваше Тиквеш. Тиквеш во дуелот со актуелниот шампион влезе со две победи во низа, сепак денес чаирчани не дозволија изненадување и славеа со 4:2. После само 20 минути Шкупи имаше 3:0, погодуваа Младеновски, Алварез и Демири. Тиквеш дојде во вториот дел до 3:2, сепак на крајот Маргвашвили ги постави конечните 4:2.
Учество во игри на среќа е дозволено за лица со 18+ години. Играј одговорно!