Ливерпул сепак ќе има шампионска парада

Ливерпул ќе има шампионска парада со која ќе ја прослави историската титула заедно со своите фанови.

Ова денес официјално го потврдија од кабинетот на градоначалникот на градот. Меѓутоа се уште не е одреден датумот на кој ќе се случи шампионската парада.

Со сигурност тоа нема да се случи ова лето, бидејќи властите сметаат дека при парадата не е возможно да се почитуваат мерките за социјална дистанца. Најверојатно славјето ќе се одржи на почетокот на следната сезона.

Илјадници фанови излегоа синоќа на улиците на градот за да ја слават титулата, без да ги почитуваат молбите на властите да останат во своите домови. Медиумите пренесуваат дека имало и десетина приведени фанови.