„Ливерпул е одличен, но Гвардиола и понатаму е подобар од Клоп“

Поранешниот фудбалер на Манчестер Јунајтед Пол Сколс смета дека Ливерпул го очекува тешка работа на „Олд Трафорд“ и покрај тоа што Јунајтед е во криза.

Големото дерби во Премиер лигата на програмата е во недела. Последниот натпревар помеѓу овие два тима заврши без голови.

„Липверпул испушти голема прилика за победа на „Олд Трафорд“ минатата година. Можеби дури и во тој натпрвар ја изгубија титулата. Знаеме каков квалитет имаат „црвените“, добар тим се, но мораат да дојдат на „Олд Трафорд“ и да играат за да победат“, изјави Сколс.

Ливерпул има осум победи во исто толку натпревари. Од друга страна Јунајтед е на 12-тото место со само две победи досега.

„Црвените ѓаволи мораат да започнат да победуваат. Знаеме дека на Солскјер му е потребно време, но ако нема резултати луѓето ќе станат нестрпливи“, смета Сколс.

Потоа тој доби прашање дали Јирген Клоп е најдобар тренер на светот во овој момент.

„За мене не е. И понатаму би кажал дека Гвардиола е најдобриот тренер во светот. Знам дека Ливерпул има осум бодови повќе, да ја освоија Лигата на шампионите, но се уште му недостасува Премиер лигата. Клоп е одличен менаџер, немојте да ме сфатите погрешно, но сепак би го ставил Гвардиола на првото место, Клоп на второто“, изјави Сколс.

Натпреварот помеѓу Јунајтед и Ливерпул се игра во недела во 17:30 часот.