Летото кога битолската гордост играше двомеч со Апоел (ВИДЕО)

Битолски Пелистер денес е далеку од најдобрите денови кога овој клуб се бореше за титули во Македонија и редовно играше летни квалификации.

Се сеќавате ли кога Пелистер играше двомеч против Апоел во УЕФА Купот, денешната Лига Европа?

Тоа беше летото 2008

Во првиот натпревар Пелистер беше домаќин на Кипарците. Во тој тим на Пелистер играа и неколку имиња кои денес се добро познати на македонската јавност. На почетокот од неговата кариера тогаш беше денешниот репрезентативец, Стефан Спировски. Дејан Блажевски кој подоцна и со Вардар играше против Апоел го предводеше нападот, а во одбраната на Битолчани играше и Кире Ристевски…

Тогашниот тренер на Пелистер Неѓат Хусен се реши за следните 11:

ГОЛМАН: Трајче Николов

ОДБРАНА: Кире Ристевски, Методија Степановски, Гоце Тодоровски, Миле Петковски, Миле Димов

СРЕДЕН РЕД: Адријано Миранда, Бруно Пресилински

НАПАД: Благојче Главевски, Жуниор, Дејан Блажевски

Од клупата настапија: Игор Момировски, Стефан Спировски, Зоран Симовски

Тој натпревар заврши без победник 0:0

Тоа беше резултатот кој на Битолчани им даваше право за надеж во реваншот, меѓутоа на гости загубија минимално со 1:0. Пелистер настапи во скоро ист состав само на местото на Благојче Главевски започна Зоран Симоновски.

Секако е добро и за македонскиот фудбал повторно да гледаме еден посилен Пелистер и се надеваме дека тоа ќе се случи, во овој момент Пелистер е лидер на западната табела во втората лига.