Лекарите не можат да го спречат: Михајловиќ излегува од болница за мечот со Лацио!

Српскиот тренер Синиша Михајловиќ се лекува од леукемија, а според најновите информации на италијанските медиуми, тој би можел повторно да излезе од болница за да ја предводи Болоња.

Лекарскиот тим кој се грижи за неговото здравје е против изложување на стрес по серијата примени хемотерапии, но Михајловиќ оди против препораките и решил денес да присуствува на мечот против Лацио.

Михајловиќ претходно излезе од болница да ја води Болоња на натпреварите против Верона (1-1) и СПАЛ (1-0), а сега повторно сака да ги израдува фудбалерите и навивачите.

Ова е специјален меч за Михајловиќ, бидејќи шест години од кариерата ги помина во Лацио и остави трага во овој клуб.