Копенхаген синоќа во Словачка речиси го реши прашањето за патникот во третото претколо од Лигата на шампионите од дуелот со Жилина, победувајќи со 3:1.
Домаќините поведоа пред крајот на првото полувреме преку Спалек, а водата кон воденицата на Данците се сврти во 61-та минута, кога на Жилина им беше исклучен Кацер. Копенхаген потоа постигна три гола, а троен стрелец беше српскиот напаѓач Андриј Павловиќ.
Пред дербито, падна најважниот потпис во Манчестер Сити! ↓↓↓
БАТЕ Борисов и Алашкерт ремизираа 1:1. Белорусите во водство дојдоа преку Риос пред крајот на првото полувреме, а потоа тој ја погоди и сопствената мрежа за изненадувачки добар резултат за гостите.
Легија оствари сигурна победа од 3:0 во гости кај Маренхајм. Полјаците веќе во првите 45 минути го решија прашањето на победникот со головите на Гиљермо, Наги и Хамалаинен. Вреди да се истакне дека Финците натпреварот го завршија со десет играчи откако им беше исклучен Дафае.
Жалгирис во интересен натпревар го совлада фаворизираниот Лудогорец со резултат 2:1. Бугарите во водство дојдоа во 18 минута, а пред крајот на мечот Литванците го свртеа резултатот. Стрелци беа Нјуидази и Куклис, додека Сернас заработи исклучување во судиското продолжение.
Дундалк и Розенборг одиграа нерешено 1:1. Ирците во водство дојдоа преку МекМилан во 18-та инута, а Региниусен го постави конечниот резултат пред полувремето.
Учество во игри на среќа е дозволено за лица со 18+ години. Играј одговорно!