Легендарниот Ромарио со совет до младиот напаѓач: Многу секс, концентрација и голови

Ромарио имаше интересен совет за напаѓачот на Бразил пред Мундијалот во Русија.

Мундијалот во Русија е се поблиску, а Бразилците имаат тим од кој многумина очекуваат да стигне далеку.

Бразил ќе игра во група со Србија, Швајцарија и Костарика, а еден од поважните играчи се очекува да биде напаѓачот на Манчестер Сити, Габриел Хесус.

Хесус сега доби совет од поранешниот најдобар играч во светот и легенда на „Кариоките“, Ромарио.

„Многу секс, концентрација и голови. Да се има доволно секс е еден од моите совети, баш како и користењето што е можно повеќе слободни денови, а потоа следи фокусирање на натпреварите. Хесус секако мора да оди на Мундијалот и да постигнува голови, без оглед на се“, изјави Ромарио.