Левандовски втора година по ред најдобар во изборот на „Гардијан“

Реномираниот „Гардијан“ ја објави листата на десет најдобри фудбалери за 2021 година.

На првото место на листата на реномираниот медиум се најде полскиот голгетер Роберт Левандовски. Ова е втора година по ред Левандовски да биде на врвот на оваа листа.

Името на Левандовски се најде на списокот на сите гласачи, а 115 од 219 го избраа да биде на врвот. Зад Левандовски се најде освојувачот на Златната топка, Лионел Меси, потоа Салах, па Бензема, Жоржињо, Мбапе, Халанд, Роналдо, Канте и Кевин Де Брујн.