Куртоа: Не е фер Барселона да се прогласи за шампион, подобри сме од нив

Голманот на Реал Мадрид, Тибо Куртоа смета дека не би било фер Барселона да биде шампион.

Поради пандемијата од корнавирусот некои национални првенства беа откажани. Во Франција одлучено беше ПСЖ да биде шампион бидејќи не беше можно сезоната да се заврши, но во Шпанија се одлучни во намерата шампионот да се реши на терен.

Во случај првенството да се прекине, а да има шампион тоа ќе биде Барселона затоа што Каталонците имаат два бода повеќе од ривалот од Мадрид.

„Од Барселона не делат само два бода и можеме да бидеме шампиони. Ако Барселона се прогласи за шампион тоа нема да биде фер затоа што сме подобри од нивз. Во Англија е поинаку, Ливерпул ја заслужи титулата и очекувано е тие да се прогласат за шампиони, тука во Шпанија е поинаку“, изјави белгискиот голман.