Кулушевски: Ибра те чекаме, приклучи ни се на ЕП

Фудбалерот на Јувентус, Дејан Кулушевски кој како што е познато има македонско потекло, но избра да настапува за репрезентацијата на Шведска зборуваше за Златан Ибрахимовиќ.

Кулушевски истакна дека констатно е во контакт со Ибрахимовиќ и го повика Златан да се приклучи на репрезентацијата. Ќе потсетиме, во последно време на големо се најавува враќање на Ибра во репрезентацијата.

„Со Златан сме во контакт цело време, тој е мој идол. Навистина е неверојатно тоа што тој го прави, понекогаш добивам пофални зборови и тоа ме прави горд и ме мотивира да работам уште повеќе. Се надевам дека ќе ни се приклучи и ќе игра со нас на Европското првенство, ајде Златан те чекаме приклучи ни се“, изјави Кулушевски.

Последниот натпревар во репрезентацијата Ибрахимовиќ го одигра уште во 2016 година.