Ѕвездата на Ливерпул, Филипе Кутињо денес стави крај на сите шпекулаци околу неговата иднина и стави потпис на нов петгодишен договор со тимот од „Енфилд“.
Договорот на 24-годишниот плејмејкер е за 5,5 години и тој станува најдобро платениот играч во клубот со заработка од 150.000 фунти неделно.
Се за новиот формат во Лигата на Шампиони! ↓↓↓
„Ова се прекрасни вести. Тој е фудбалер од светска класа. Знае дека своите соништа и амбиции може да ги исполни тука во Ливерпул. Ова е големо соопштение“, изјави Јирген Клоп.
Кутињо блеска во дресот на Ливерпул и беше мета на многу европски гиганти, но Бразилецит одлучи да остане верен на англискиот гигант.
„Го потпишав новиот договор за да останам тука уште пет години бидејќи тоа за мене е голема чест. Уште од првиот ден бев пречекан со раширени раце и од клубот и од навивачите. Му благодарам на клубот за се што прави за мене“, истакна Кутињо.
Учество во игри на среќа е дозволено за лица со 18+ години. Играј одговорно!