Квартараро победи во Херез, Маркес заврши во болница (видео)

Пилотот на Петронас Јамаха, Фабио Квартараро, со победа ја стартуваше новата сезона во Мото ГП шампионатот, откако денеска славеше на трката за Големата награда на Шпанија.

Младиот Французин попладнево се израдува на својот најголем успех во кариерата, славејќи на патеката во Херез во една „чудна“ трка.

Трката повторно мина во знакот на актуелниот првак Марк Маркес, кој излета од патеката во петтиот круг, но се врати и од последната позиција стаса на прагот на историска победа, но повторно имаше кикс и не ја заврши трката.

Иако гестикулираше дека не е повреден, сепак замина во болница на вообичаен преглед по тешкиот пад.