Каталонците тврдат: Лаутаро е на чекор од Барселона

Раководството на Барселона работи на трансферот на напаѓачот на Интер, Лаутаро Мартинез, пренесуваат каталонските медиуми.

„Лаутаро е поблиску до Барселона“, тврди каталонски „Спорт“, кој е добро информиран за текот на преговорите.

Аргентинскиот напаѓач ја избрал Барселона и сега неговиот агент ги преговара финансиските детали со каталонскиот клуб.

Барселона решила да ги забрза преговорите за трансферот бидејќи интерес за Лаутаро покажува и големиот ривал Реал Мадрид. Меѓутоа, напаѓачот ја избрал Барселона и сега трансферот е пред реализација.

Лаутаро во договорот со Интер има откупна клаузула од 111 милиони евра која Каталонците се спремни да ја платат веднаш.