Касиљас откри кој е најдобар голман во светот и ги изненади сите!

Легендарниот шпански голман, Икер Касиљас го изнесе својот став по прашањето кој е најдобар голман во светот и изненади со својот избор.

Легендарниот голман на Реал Мадрид беше запрашан да го избере најдобриот голман на светот во моментов, па ако мислите дека го избра својот сонародник Де Геа, грешите.

„Куртоа е најдобриот голман на светот во моментов. Има феноменална сезона во Челзи. Јас мислам дека тој би бил идеален избор за Реал Мадрид. Според мене тој е моментално број еден“, изјави Касиљас.

Куртоа оваа сезона на 22 натпревари за Челзи прими 15 голови, а медиумите тврдат дека токму тој ќе биде новиот чувар на мрежата на „кралевите“.