Карагер: Обамејанг е премногу добар за да игра во Арсенал

Легендата на Ливерпул, Џејми Карагер повторно со својата изјава ја разбранува јавноста на Островот.

Поранешниот дефанзивец на „црвените“ сега работи како стручен соработник во телевизија и познат е по тоа дека „нема влакна на јазикот“.

Сега го коментираше евентуалното заминување на Обамејанг од Арсенал и тврди дека напаѓачот е премногу добар за да игра во таков клуб.

„Кога ја завршував кариерата Ливерпул беше во ваква ситуација бидејќи бевме надвор од Топ 4. Артета мора да се запраша – дали ќе игра Лига на шампиони со Обамејанг? Дали тој следната сезона ќе замине без обештетување? Таа одлука мора да ја донесе клубот веднаш. Во овој момент нема сомнеж дека Обамејанг е премногу добар за да игра во Арсенал“, изјави Карагер.