Дома Фудбал Останато Капитен собирал пари од казни на соиграчите и си ги потрошил на коцкање

Капитен собирал пари од казни на соиграчите и си ги потрошил на коцкање

Една неверојатна ситуација ни пристигнува од Норвешка, капитенот на овој клуб Вегард Форен после 13 сезони поминати во клубот и одиграни 384 натпревари си заминува на еден неславен начин.

Имено, Форен верувал во себе па со парите собрани од неговите соиграчи кои биле казнувани седнал да се коцка и – ги изгубил!

Во него соблекувалната имала најголема доверба, па тој бил благајникот и од различните казни парите се чувале кај него. Обично поголемите клубови тие пари ги донираат во хуманитарни цели. Меѓутоа Форен бил зависник од коцкање и се нашол во големи долгови, дел од нив ги покрил со кредити, а потоа посегнал и по парите од соиграчите. Клубот објави дека тој потрошил 9.255 евра.

На крајот и самиот Форен ја призна вината и се извини на сите.

„Тажен сум што вака ја завршувам кариерата во Молд. Меѓутоа ја разбирам постапката, погрешив и ја изгубив довербата. Сакам барем да им се извинам на соиграчите, фановите, пријателите и семејството“, изјави Форен за клупскиот сајт на Молде.

Коментари
Advertisements
Прочитајте поврзани статии
Load More In Останато

Проверете

Tрадицијата вели: Реал Мадрид ќе биде шампион!

Реал Мадрид е многу блиску до рекордната 34.титула во Ла Лига откако вчера беше победен Ге…