Капитенот на Бугарија: Македонците на натпреварот гледаат политички

Репрезентацијата на Бугарија ќе биде следен противник на Македонија во натпреварот кој ќе биде последен во Лигата на Нации.

Овој натпревар е директен дуел за второто место, Бугарија има шест бода на третата позиција, ние сме втори со седум. Капитенот на бугарската репрезентација Кирил Десподов после вчерашната победа против Гибралтар од 5:1 изјави дека Македонија овој дуел го очекува како политички.

„Против Македонија во понеделник не чека потежок натпревар. Мислам дека Македонците на овој натпревар гледаат повеќе на политичка сцена отколку на фудбалска. Имаат предност поради домашната публика, но сигурно дека и ние можеме да направиме добар резултат“, изјави Десподов.

Натпреварот помеѓу Македонија и Бугарија се игра в понеделник на Националната арена во 20:45 часот.

Фото: ФФМ