Златан Ибрахимовиќ краток временски период од својата кариера помина во Манчестер Јунајтед и беше соиграч со Ромелу Лукаку кој и денес член на „црвените ѓаволи“.
Сега за англиските медиуми Лукаку зборуваше за времето поминато заедно со Швеѓанецот и откри дека Ибрахимовиќ му помогнал многу да научи, иако не играа долго време заедно.
До кога ќе дишеме отровен воздух!? | Уште еден поткаст
„Ибрахимовиќ е човек од кој многу научив. Ми кажуваше приказни за времето поминато од Интер, Милан, Барселона, Ајакс…Беше многу победнички настроен. Паметам кога на еден тренинг игравме на спротивни страни и имавме дуел. Ибра влезе во мене со сета сила, тогаш сфатив дека овој човек се бори секаде и секаде сака да победува. Тогаш си реков себе си: Кога тој доживува дека мора да се бори за својата позиција, морам и јас да бидам таков“.
„Со него можеш и добро да се забавуваш, но кога станува збор за играта на теренот и местото во тимот тогаш имате работа со крајно сериозна личност која нема пропуст за никого“, изјави Лукаку.
Учество во игри на среќа е дозволено за лица со 18+ години. Играј одговорно!