Каземиро за 50 милиони евра во Серија А

Еден од најдобрите фудбалери на Реал Мадрид, Каземиро на лето би можел да се пресели во Серија А, пренесуваат италијанските медиуми.

Каземиро е еден од најважните играчи во тимот на „кралевите“, но сепак е спремен за нова авантура.

Шпанските медиуми пренесуваат дека Реал сака да донесе засилување на неговата позиција, а Бразилецот не сака да ја дели минутажата.

Таквата ситуација сака да ја искористи Јувентус, кој е во потрага по играч со негов профил и е спремен да понуди 50 милиони евра.

Каземиро пристигна во Реал во 2013 година и изгради легендарен статус во „кралскиот“ клуб.