Кавани до навивачите на Јунајтед: Морате да верувате во овој тим!

Навивачите на Манчестер Јунајтед никако не можат да бидат задоволни од настапите на својот тим.

Манчестер е на шестото место во првенството, а на последните пет натпревари славеше само еднаш. Сепак, одличниот напаѓач Едисон Кавани порачува дека навивачите мора да веруваат во тимот.

„Се ќе направиме да напредуваме и мојата порака е да веруваат во овој тим и нас играчите. Кога е така можеме да се вратиме со напорна работа и победи“, изјави Кавани.

За Манчестер Јунајтед Кавани постигна 18 голови во 47 натпревари.

„Вербата е важна за луѓето. Во многу работи кои ги работиме потребна е да веруваме. Така е и во фудбалот, морате да верувате во колегата од тимот“, порача Уругваецот.

Во викендот кој следи Манчестер Јунајтед ќе гостува кај екипата на Вотфорд.