И на Кокорин не му се верува: Не знам што се случи со Вардар

Двојниот стрелец од вчерашниот натпревар Александар Кокорин, призна дека не знае што му се случило на македонскиот шампион во вчерашниот натпревар, како и дека ги следел претходните натпревари на Вардар.

Да потсетиме Зенит беше апсолутно подобар противник во дебитантскиот настап на Вардар во Лигата на Европа, па запиша убедлива победа од 0:5.

За играч на натпреварот беше избран Александар Кокорин кој покрај двата погодоци запиша и една асистенција.

„Не ми е јасно што му се случи на Вардар, во натпреварот против Фенербахче изгледаа многу сериозно. Тешко ми е да објаснам зошто денес бевме волку доминантни, но сепак задоволни сме од нашиот фантастичен настап“, изјави Кокорин.