Иниеста најави заминување од Барселона и откри кој ќе го наследи

Андрес Иниеста, иконата на Барселона, ова лето по 22 години би можел да го напушти „Камп Ноу“. Оваа вест ја пренесе и официјалниот сајт на каталонскиот клуб.

Иниеста на крајот од оваа сезона ќе наполни 34 години, а со единствениот клуб за кого играше во кариерата освои се што можеше и подготвен е да го препушти местото на младите. Иниеста вчера зборуваше за својата иднина и откри дали планира да остане во Барса уште една сезона.

„Се уште не сум 100% одлучен дали си заминувам. Доколку останам, ќе биде бидејќи се уште можам да дадам 200% на натпреварите. Ако си заминам, ќе биде затоа што не можам да дадам толку колку што клубот заслужува. Тоа е единствениот сомнеж кој го имам“, изјави Иниеста.

Иниеста е свесен дека следната сезона тешко дека ќе може да игра во првиот тим, а како свој можен наследник во Барса го гледа Филипе Кутињо.

„Ако си одам во друг клуб, нема никогаш да играм против Барселона“, додаде легендарниот Шпанец.