Икарди: Повторувам, сакам да останам во Интер!

Напаѓачот на Интер, Мауро Икарди ја негираше денешната информација од „Газета дело Спорт“, дека веќе се договорил со Јувентус.

Утринава најпознатиот италијански весник објави дека Аргентинецот веќе има договор со „старата дама“ и останува уште двата клуба да се договорат за трансферот.

Меѓутоа, набрзо се огласи самиот Икарди кој истакна дека тоа не е вистина и дека неговата цел е да остане во Интер.

„Со оглед на тоа што новинарите во последно време пишуваат вести кои не ги претставуваат моите мисли и намери, сакам да им соопштам на сите фанови – мојата желба е да останам во Интер“, порача Икарди на својот Инстаграм профил и додаде:

„Од денеска повеќе нема да има недоразбирања. Разбирам дека новинарите имаат потреба да продаваат лажни вести, но јас освен демант, немам што повеќе да направам. Повторувам – ја изразив желбата да останам во Интер, затоа што Интер е моето семејство. Времето ќе покаже кој ја зборува вистината. Форца Интер засекогаш“, изјави Икарди.

Иако во изминатиот период Икарди имаше големи проблеми со управата и тренерот на клубот, се чини дека голема е веројатноста тој да остане во Интер, особено поради фактот што наскоро Спалети речиси сигурно ќе добие отказ, а на негово место ќе пристигне Антонио Конте.

View this post on Instagram

Siccome negli ultimi tempi gli organi di stampa hanno riportato notizie che non rispecchiano il mio pensiero e la mia volontà, ci tengo ad informare i nostri tifosi che ho più volte comunicato alla Società la mia intenzione di rimanere all'Inter. Così da oggi in poi non si creeranno equivoci di nessun genere. Capisco gli interessi della stampa di vendere notizie false ma più che chiarire le cose personalmente non posso fare. Ripeto: ho già espresso all'Inter la volontà di rimanere perché l'Inter è la mia famiglia. Il tempo dirà chi ha detto la verità. Forza Inter, sempre.. #MI9 ⚫️

A post shared by Μαυʀɸ Iϲαʀδι – MI9 (@mauroicardi) on May 17, 2019 at 4:20am PDT