Ибра не е повреден, туку е во конфликт со Мурињо

Ѕвездата на романскиот фудбал, Адриан Муту даде интересен коментар за Златан Ибрахимовиќ и менаџерот на Манчестер Јунајтед, Жозе Мурињо.

Имено, Муту тврди дека Ибрахимовиќ не игра за Манчестер Јунајтед само поради тоа што е во конфликт со Жозе Мурињо.

„Навистина не ми е грижа за Мурињо. Тој не зборува за перформанси, туку само за резултат. Имам информации дека Ибрахимовиќ не е повреден, туку само е во конфликт со Мурињо“, изјави Муту.

Ибрахимовиќ се врати на терените после тешката повреда на коленото, но во последните два месеци воопшто не е во тимот на Јунајтед, а официјалното образложение од клубот е дека Швеѓанецот е повреден.