Ибра и Донарума му порачаа на Раиола: Остануваме во Милан

Златан Ибрахимовиќ и Џиџо Донарума имаа средба со Мино Раиола во Монте Карло, тема на разговор биле новите договори на напаѓачот и голманот.

Договорот на Ибрахимовиќ истекува на крајот на сезоната. 38-годишниот напаѓач најверојатно ќе потпише за уште една година, а е спремен да ја намали платата која во моментов изнесува 6 милиони евра.

Што се однесува до Џиџо Донарума, неговиот договор истекува во 2021 година, но неговата намера е јасна, сака да остане во Милан.

Преговорите за негов договор се во напредна фаза и се очекува во наредните денови да потпише нов договор со плата од 6,5 милиони евра плус бонуси.

? GdS: Ibrahimovic declares wish to Raiola regarding future in big double boost for #ACMilanhttps://t.co/4HCQC49YFf #SempreMilan

— SempreMilan (@SempreMilanCom) July 27, 2020