Зијеш може да го напушти Челзи, но ќе остане во Лондон?

Хаким Зијеш сака да го напушти Челзи и сега наводно во игра е Тотенхем.

Од Островот пристигнуваат информации дека Зијеш го бара најдоброто решение откако му пропадна враќањето во Ајакс. Изненадувачки сега се појави опција да остане во Лондон и да го засили Тотенхем.

Тотенхем го напушти Брајан Хил кој се пресели во Валенсија, а не е невозможно да замине и Лукас Моура, а тоа значи дека му е потребен уште еден офанзивец во ротацијата во густиот распоред кој ќе биде пеколен оваа есен и до крајот на сезоната.

Деталите не се познати, но се знае дека Челзи за Зијеш бара помеѓу 25 и 30 милиони евра поради тоа Ајакс се повлече од трката.

Не е невозмоќно Тотенхем да му понуди опција за позајмица со откуп, но ќе видиме дали тоа би било прифатливо за Челзи. Од друга страна Тухел би можел да го пушти Зијеш и на негово место да доведе вистинска деветка.