Зидан се уште е во опасност – Се појави нов кандидат кој е вистинско изненадување!

Во пресрет на „Ел Класико“ во англиските медиуми се појави една интересна вест која сигурно многумина ќе изненади.

Иднината на Зинедин Зидан во Мадрид и понатаму е доведена во прашање, а сега според англиски „Тhe Sun“ главен кандидат за негов наследник е Антонио Конте.

Зидан со „кралевите“ стигна до две титули во низа во Лигата на шампионите, како и титула шампион на Шпанија, а неодмна со Реал го освои Светското клупско првенство.

Меѓутоа тој се наоѓа под голем притисок поради големата бодовна разлика во однос на Барселона оваа сезона и веројатно следниот кикс би можел да значи и отказ.

Според „Тhe Sun“, Перез веќе започнал преговори со Италијанецот кој подолго време не е во добри односи со управата на „сините“, па се очекува негово заминување најдоцна на крајот од сезоната.