Зидан: Бејл не е со нас бидејќи не сака да игра

Зинедин Зидан и Герет Бејл веќе неколку години се во лоши односи и на никој не му е јасно зошто играчот се уште не го напуштил Реал.

Бејл во претходните две сезони не се изнаигра во Реал и натпреварите најчесто ги гледаше од клупата. Тогаш кога ќе добиеше шанса да игра на Бернабеу добиваше свирежи од навивачите на клубот.

Меѓутоа, се чини дека овој пат односите помеѓу Зидан и Бејл се многу повеќе наруштени. Велшанецот дури и не е во конкуренција за натпреварот против Сити и очигледно дека е на излезните врати на Бернабеу.

Зидан на вчерашната прес конференција не успеа да го избегне прашањето за Бејл, па одговори кратко:

„Не сакам ништо да кажам. Го почитувам Бејл како и сите играчи. Некои работи треба да останат во соблекувалната помеѓу тренерот и играчот и тоа е се. Тој не сака да игра и тоа е единствената работа која ќе ви ја кажам.“ – рече Зидан.